Mae’r Ganolfan yn cynhyrchu amrywiaeth arbennig o eitemau celf a chrefft, y mwyafrif ohonyn nhw wedi’u cynhyrchu o ddeunyddiau wedi’u hailgylchu; papur, cardfwrdd a phren yn bennaf. Mae rhai o’r creadigaethau yma i’w gweld mewn orielau celf proffesiynol. Mae Cylch yr Efail hefyd yn cynhyrchu amrywiaeth o gardiau cyfarch, nwyddau hyrwyddo fel crysau-T, hwdis, crysau chwys, cylchoedd goriadau ac yn y blaen, ac yn eu gwerthu i’r cyhoedd. Mae llawer o glybiau chwaraeon lleol a sefydliadau eraill yn prynu’r nwyddau yma’n rheolaidd gan y cwmni.